D’Landesplanung ass wichteg, fir datt sech d’Land kann an Zäite vu staarkem Wuesstëm kohärent weiderentwéckelen. D’Piraten hake bei de responsabelen Ministeren no a froen, ob d’Eegestännegkeet vun de Gemengen an Domainer wéi dem Logement, der Mobilitéit an der Landesplanung net misst iwwerduecht ginn. Zumols an den Ballungsgebidder, wéi z.b der Nordstad, hunn d’Mesüren aus der Vergaangenheet net déi néideg Wierkung gewisen. D’PIRATEN wëllen dem onkoordinnéierte Wuesstëm een Enn setzen – dat duerch eng intelligent Landesplanung.