Stéit, deenen et finanziell net gutt geet, kënne beim Staat beim Fonds National de Solidarité eng Energieprimm ufroen (zousätzlech zur Allocation de vie chère). Dës Primm ass, wéi den Numm et seet, dofir geduecht, d’Stéit an hiren Energiekäschten z’ënnerstëtzen, also fir d’Stroum-, Gas oder Waasserrechnungen ze bezuelen.
D’Gesetz vun 2009 iwwert d’Sozialhëllef an d’Stroumgesetz gesi vir, dass net bezuelte Energierechnungen vum Office social iwwerholl ginn, “pour autant que le défaillant remplit les conditions d’éligibilité pour le droit à l’aide sociale.”
Et kënnt trotzdeem vir, dass Stéit d’Suen net fir Energie ausginn an am Office Social trotzdeem Ufroe kommen, fir net bezuelten Energierechnung integral z’iwwerhuelen. Esou Persoune kréien an deem Fall duebelt Geld fir dee selwechten Zweck, wärend aner Leit, déi hir Finanzen serieux geréieren, eidel ausginn.
An deem Zesummenhang hu mir der Regierung dës Fro gestallt:
-
Ass et dem Office social erlaabt, trotz dem Passage am Gesetz, net mussen d’Energierechnung ze bezuelen, wann de Subside guer net dofir genotzt ginn ass?
QP Nummer 2426
