Aktuell existéieren, den Informatiounen um Geoportail no, zu Lëtzebuerg 15 gréisser Bauschuttdeponien, déi wichteg sinn, fir dass hei am Land weider um Wunnengsbau ka geschafft ginn. Et ass wichteg, dass d’Deponien no vun de Chantiere sinn, fir onnéideg Trajete mat de grousse Camionen ze reduzéieren. Wéi mer zougedroe gouf, soll am Westen am Raum Stengefort/Garnech eng weider Deponie opgemaach ginn.
An deem Zesummenhang hu mir der Regierung dës Froe gestallt:
-
Kann de Minister informéieren, ob eng weider Deponie am Raum Stengefort/Garnech wäert opgoen?
-
Wéi eng weider Deponië wäerte fir de Bausektor zu Lëtzebuerg souwéi an der noer Groussregioun an noer Zukunft bäikommen?
QP Nummer 2421
