Aus rezenten Artikelen ass ervirgaangen, datt verschidde Gemenge weiderhi Primme fir de Kaf vu Vëloe ginn, obwuel et op nationalem Niveau Aschränkunge bei de staatleche Subventioune gëtt. Dës ënnerschiddlech Approche féieren zu Diskrepanzen an der Fërderung vum Vëlosgebrauch tëscht de Gemengen.
An deem Zesummenhang hu mir der Regierung dës Froe gestallt:
-
Wéi eng konkret Moossnamen ënnerhëlt de Ministère fir eng méi kohärent an eenheetlech Ëmsetzung vun de Vëlosprimmen op Gemengenniveau ze erreechen?
-
Wéi kënnen d’Bierger besser iwwer hir Méiglechkeete fir Ënnerstëtzung beim Vëloskaf an hirer Gemeng informéiert ginn?
-
Gëtt et Pläng fir eng Evaluatioun vun der Effektivitéit vun de verschiddene kommunale Fërderprogrammer op de Vëlosgebrauch?
-
Wéi kann de Ministère d’Gemengen am beschte bei hiren Efforten ënnerstëtze fir de Vëlosgebrauch op lokalem Niveau ze fërderen?
QP Nummer 1968
