D’WORT mellt an engem Artikel vun haut iwwert eng Serie vun Explosiounen zu Mont-Saint-Martin, direkt op der Grenz mat der Gemeng Péiteng, wou wëllentlech vu Pyromanen Objeten gesprengt goufen.
D’Situatioun zu Mont-Saint-Martin ass zënter Joren ugespaant, mee zënter 2023 gëtt dat Polverfaass ëmmer méi visibel. 2023 goufe schonns Gebaier, Tankstellen ee Centre médical an eng Schoul a Brand gesat. Am selwechte Joer koum et och zu Schëss op ee Bus vun enger RGTR-Linn, déi Lëtzebuerg mat der franséicher Regioun verbënnt.
An deem Zesummenhang hu mir der Regierung dës Froe gestallt:
-
Wat fir Auswierkungen hunn dës Inzidenter zu Mont-Saint-Martin op d’Sécherheetslag zu Péiteng an dem Grenzraum?
-
Wäert d’Kommissariat zu Péiteng elo direkt méi Beamten kréien?
QP Nummer 1660
