Context:
Gesetzesprojet n°8322
D’Chamber vun den Deputéierten stellt fest:
- Tëschent dem Bussyndikat TICE an dem Lëtzebuerger Staat existéiert eng Konventioun, déi de Finanzement vum TICE reegelt an dës Konventioun muss bis Enn vun dësem Joer nei verhandelt ginn;
- Aus engem Schreiwes vun der Personaldelegatioun vum TICE aus dem Summer 2023 gouf virdru gewarnt, dass verschidde Buslinne beim TICE net méi vum Staat solle subventionéiert ginn;
- Fir d’Joer 2024 krut den TICE ronn 52 Milliounen Euro zougesprach, mee am Budget pluriannuel fir déi nächst Joren ass keng Erhéijung virgesinn;
- Mam Gesetzesprojet 8322 kritt d’Busnetz vun den CFL iwwer 10 Joer eng Erhéijung vun 20% zougesprach, fir den ëffentlechen Transport ze stäerken.
- D’Membergemengen vum Bussyndikat TICE hunn dëst Joer scho missten d’Méikäschte vum TICE stemmen, woubäi d’Käschte fir verschidde Gemengen ëm ronn 33% erop gaange sinn;
Aus dëse Grënn invitéiert d’Chamber vun den Deputéierten d’Regierung:
- fir den TICE-Reseau, grad esou wéi d’Busser vun den CFL, weider ze fërderen.
- bei der Konventioun mam TICE no 2024 keng finanziell Hëllefen ze kierzen, mee dem TICE mindestens déi selwecht Konditiounen an Erhéijungen zouzegestoen, wéi der Busflott vun den CFL.
