D’Post bitt zënter 2023 de Service vum online Recommandé un, mat deem ee Bréiwer iwwert den elektronesche Wee kann un een Destinatäre fortschécken. D’Post selwer schreift op hirer Website:
“”Le recommandé électronique de POST Luxembourg respecte les exigences du service d’envoi recommandé électronique qualifié au sens du règlement (UE) n° 910/2014.””
Mir sinn awer Fäll zu Ae komm, wou Verwaltungen de Recommandé électronique ignoréiert hunn.
An deem Zesummenhang hu mir der Regierung dës Fro gestallt:
-
Kann de Recommandé électronique och vu Bierger:innen genotzt ginn, fir Messagen u staatlech Verwaltungen ze schécken? Ass dës Form vum Verschécken equivalent zum Verschécke vu Recommandésbréiwer a Papeierform?
QP Nummer 635
Mir hunn eng Réckfro zu dëser Fro gestallt:
An der Äntwert op d’Fro n°635 schreift de Wirtschaftsminister, dass
1) de Recommandé électronique bei der POST Lëtzebuerg äquivalent mat engem Recommandésbréif a Pabeierform ass;
2) dass d’Regierung wäert un enger Promotioun vun dësem Service bei de Verwaltunge schaffen.
Domadder gouf leider net op d’Fro geäntwert, ob d’Bierger:innen dëse Service dann haut effektiv kënnen notzen. Eis ass ee Fall bekannt vun enger Verwaltung, déi den elektronesche Recommandé ignoréiert huet.
- Wann de Recommandé électronique haut schonns equivalent ass, firwat ignoréiere verschidde Verwaltunge beim Staat dësen?
- Kann de Recommandé électronique, Stand elo, vun de Bierger:innen genotzt ginn, fir Korrespondenzen u staatlech Verwaltungen ze schécken a mussen all d’Verwaltungen dësen och unhuelen, wéi ee Recommandésbréif a Papeierform? Falls nee, ob wéi enger Base légale begrënnt sech, dass Verwaltungen dat net maachen?
Fro n°778
