Aktuell gëtt et op europäeschem Niveau keng Konformitéit wat den Asaz vun enger digitaler Parkscheif ugeet. Eng digital Parkscheif huet en elektronesche Beweegungsmelder integréiert, esou dass wann den Auto ausgemaach gëtt d’Parkzäit sech automatesch astellt. D’Zäit dierf dono net weiderlafen an och net à distance manipuléierbar sinn. An Däitschland, Dänemark an Holland ass esou e Modell ënnert bestëmmte Konditiounen erlaabt, an Éisträich, der Belsch an der Schwäiz zum Beispill verbueden.
An deem Zesummenhang hu mir der Regierung dës Froe gestallt:
-
Ass den Asaz vun enger digitaler Parkscheif (esou wéi uewe beschriwwen, an net manuell manipuléierbar) zu Lëtzebuerg erlaabt? Falls net, aus wéi enge konkrete Grënn ass den Asaz verbueden?
-
Ginn et Iwwerleeungen dës Reglementatioun kuerzfristeg ze änneren an sech esou och den Nopeschlänner unzepassen?
QP Nummer 503
