D’Staatsanwaltschaft beklot sech ëffentlech doriwwer, dass dat vun der Regierung ënnerstëtzten Heescheverbuet zevill Ressourcen bei der Justiz an Usproch hëllt an deemno aner wichteg Dossieren bei der Justiz a Police leie bleiwen. Et ass ongewéinlech a bedenklech, dass den drëtte Pouvoir am Land sech un d’Politik went.

Aus deem Grond froe mir dréngend eng gemeinsam Kommissiounssitzung un, fir déi zoustännege Ministeren iwwert dëse Problem ze interpelléieren, op Basis vum Artikel 23 (3) vun eisem Chambersreglement.

D’Piraten hunn déi zoustänneg Regierungsmemberen an d’Chamber geruff, fir iwwert dëse Problem ze schwätzen.