Ambassaden erlaben et engem Land seng eege Strategie an och seng eege Positioun an engem anere Land ze vertrieden. Gläichzäiteg kennen duerch si international Relatiounen opgebaut an d’Interesse vum Land a vu senge Biergerinnen a Bierger besser vertruede ginn.Ambassaden erlaben et lëtzebuergesche Firmen doriwwer eraus, duerch hiert qualifizéiert Personal, méi einfach Zougang zu frieme Mäert ze kréien, an hëllefen Firmen aus dem Ausland op Lëtzebuerg ze lackelen. Esou spillen Ambassaden nieft dem reng diplomatesche Volet och eng ekonomesch Roll an erméiglechen et esou, eis Ekonomie ze diversifizéieren.
An deem Zesummenhang huet de Sven Clement dem Ausseminister dës Froe gestallt:
- Wéi vill Ambassadë vun EU-Partner (EU27) si pro Land, an deem Lëtzebuerg keng Ambassade huet, vertrueden?
- Opgeschlësselt no Ambassade, a wéi ville Länner ass déi jeeweileg lëtzebuergesch Ambassadrice, bzw. dee jeeweilegen Ambassadeur, als “non-résident” akkreditéiert?
- A wéi enge Länner gesäit de Minister eng Prioritéit, fir eng lëtzebuergesch diplomatesch Missioun opzemaachen?
