An enger Sëtzung vun der Commission des Finances ass eisem Representant op Nofro confirméiert ginn, dass déi temporär Baisse vun der TVA zum 1. Januar 2024 opgehuewen an den Taux erëm op 17% ugehuewe gëtt. Natierlech huet esou eng Adaptéierung, bei der Hypothees vun enger normaler Consommatioun iwwert e Joer gekuckt, e positiven Effekt op d’Recette vum Staat.
An deem Zesummenhang hu mir der Regierung dës Fro gestallt:
-
Huet de Ministère Previsioune virleien, wéi vill zousätzlech Recetten des Adaptéierung vum Taux vun der TVA viraussiichtlech wäert generéieren? A falls jo, wéi héich sinn dës Recetten?
