An engem Tageblatt-Artikel vum 22ten August steet ze liesen, dass d’Politik nach ëmmer haaptsächlech Männersaach wier a Fraen a Gemengen- oder Schäfferéit ënnerrepresentéiert sinn. Am Artikel gëtt och d’Beispill vu Miersch ugefouert, wou just eng eenzeg Fra an de Gemengerot gewielt gouf obwuel 42 Prozent vun de Kandidaten, déi sech fir d’Gemengewalen opgestallt haten, Frae waren. Miersch ass awer net déi eenzeg Gemeng wou manner Fraen am Gemengerot vertruede sinn an et stellt sech d’Fro, ob et och reng männlech Gemengen- oder Schäfferéit hei am Land gëtt.
An deem Zesummenhang hu mir der Regierung dës Fro gestallt:
-
Wéi vill reng männlech Schäfferéit ginn aktuell hei am Land an ëm wéi eng Gemengen handelt et sech dobäi?
QP Nummer 8253
