Kommunikatioun vun de Piraten – Sektioun Déifferdeng

D’Piraten reagéieren op de Récktrëtt vum Roberto Traversini als Buergermeeschter a fuerdere Neiwahlen zu Déifferdeng.

Haut, den 20. September, huet de Buergermeeschter vun Déifferdeng, de Roberto Traversini, offiziell seng Demissioun annoncéiert.

D’Piraten bestinn op de Prinzip vun der demokratescher Legitiméierung vun eise Volleksvertrieder, ob um Gemengenniveau oder um nationale Plang. D’Sektioun Déifferdeng fuerdert den Déifferdenger Gemengerot op Neiwahlen unzesetzen, fir dass d’Wahl vum Buergermeeschter net vun de Parteien am Gemengerot decidéiert gëtt, mee vun den Déifferdengerinnen an Déifferdenger.