D’Leit vum CGDIS sinn oft op Brancarden (Tragbahren) ugewisen. Si mussen d’Leit op d’Brancard hiewen an dës dann an hiert Gefier lueden. Béides ka mat vill Kraaftopwand verbonne sinn. Zu de klassesche Brancarde gëtt et mëttlerweil awer och elektresch Alternativen, respektiv elektresch Hëllefen, déi de Brancard elektresch an d’Ambulanz eranzitt an och erëm raus op d’Rieder stellt.
An der parlamentarescher Fro n°7023 hat ech d’Madamm Ministesch no Informatiounen zu den elektresche Brancarde gefrot. D’Ministesch huet an der Äntwert erkläert, dass hei Analyse géife lafen, fir de Notzen an de Käschtepunkt vun esou Bahre festzestellen.
An deem Zesummenhang hu mir der Regierung dës Fro gestallt:
-
Sinn d’Analyse beim CGDIS mëttlerweil ofgeschloss? Wat sinn d’Resultater vun der Analys?
QP Nummer 7883
