Duerch de LUSTAT Data Explorer kann een sech ukucken, wéi vill Handel (Import wéi Export) de Grand-Duché mat de Länner iwwerall op der Welt bedreift. D’Opzielung ass awer limitéiert an esou fannen net all d’Länner eng Plaz op der Lëscht. Ee Beispill heivir ass den Iran, dee jo scho laang vu westleche Sanktioune betraff ass, an deen duerch d’Ënnerdréckung an d’Gewalt vun de Protester nom Doud vum Mahsa Amini op e neits staark kritiséiert gëtt.

An deem Zesummenhang hu mir der Regierung dës Froe gestallt:

1. Wéi vill Tonnen u Wuere goufen an deene leschte 5 Joer aus dem Iran importéiert (opgelëscht no Joer) ?

2. Wéi vill Tonnen u Wuere goufen an deene leschte 5 Joer an den Iran exportéiert (opgelëscht no Joer) ?

3. Wat sinn déi 3 heefegste Wueren, déi vu Lëtzebuerg an den Iran exportéiert ginn?

4. Wat sinn déi 3 heefegste Wueren, déi aus dem Iran importéiert ginn?

5. Wéi héisch sinn d’Servicer, déi all Joer (oplëscht op déi lescht 5 Joer) fir Akteuren am Iran geleescht ginn?

6. Wéi héisch sinn d’Servicer, déi all Joer (oplëscht op déi lescht 5 Joer) aus dem Iran un Akteuren a Lëtzebuerg geleescht ginn?

7. Wat sinn déi heefegsten Servicer, déi importéiert ginn?

8. Wéi sinn déi heefegsten Servicer, déi exportéiert ginn?

Verlaf an der Chamber

QP Nummer 7620