D’Piraten stellen sech op d’Säit vun den Demonstranten am Iran.
Context:
Séance plénière 9.02.2023
D’Chamber vun den Deputéierten stellt fest:
- Datt den iranesche Regimm säit dem Doud vum Mahsa Jina Amini duerch iranesch Revolutiounsgarden nach méi repressiv géint seng eege Bevëlkerung virgeet;
- Datt den iranesche Regimm Manifestanten ouni jegleche Respekt vu Mënscherechter aspäärt, foltert an exekutéiert;
- D’iranesch Revolutiounsgarden hei besonnesch schwéier implizéiert ass an disproportionéiert géint d’Protester am Land virgeet;
- Dat d’EU-Parlament den 19te Januar 2023 d’Resolutioun 2023/2511(RSP)) ugeholl huet, déi dës Verbrieche kloer opweist a verurteelt;
Aus dëse Grënn invitéiert d’Chamber vun den Deputéierten d’Regierung:
- D’Verbrieche vum iranesche Regimm konsequent an der Ëffentlechkeet an och an private Gespréicher mat Representante vun anere Staaten ze verurteelen;
- D’iranesch Revolutiounsgarden als Terroristesch Organisatioun un z’erkennen an dofir se suergen, dass all wirtschaftlech Relatiounen tëscht Membere vun der Revolutiounsgarden an Acteuren aus Lëtzebuerg ënnerbonne ginn;
- All d’Efforte vum EU-Parlament an der EU Kommissioun géint all Aart vu Folter, Doudesstrofen a soss repressiivt Verhale vum iranesche Regimm géint seng eege Bevëlkerung z’ënnerstëtzen.
2023/02/10 Motioun Piraten Verurteelung vun de Verbrieche vun dem iranesche Regimm géint seng BevëlkerungHerunterladen
ENG Versioun hei:
Dës Motioun gouf an d’Aussekommissioun verwisen wou se geännert gouf an dunn an der Plenière ugeholl ginn ass.
