Déi franséisch Regierung huet viru Kuerzem eng Sondererlabnis fir 5 Atomkraaftwierker ginn, déi et de Kraaftwierker erlaabt, méi waarmt Killwaasser zeréck an d’Flëss ze leeden. Dës Sondererlabnis gëllt bis den 11te September. D’Atomkraaftwierk zu Cattenom ass zwar dovunner net betraff, mee och hei besteet een eescht ze huelende Risiko, dass mat der undauernder Dréchent et geschwënn dozou komme kann.
An deem Zesummenhang hu mir der Regierung dës Froe gestallt:
-
Huet d’lëtzebuergesch Regierungen Informatiounen iwwert den Impakt vun der aktueller Dréchent op d’Situatioun vum Atomkraaftwierk zu Cattenom?
-
Besteet d’Méiglechkeet, dass och Cattenom méi waarm Ofwaasser an d’Musel kéint pompelen?
-
Wéi eng international Reegelen (Traitéen,Accorden) gëllen, am Fall wou d’franséisch Regierung méi waarmt Waasser wéilt an d’Musel leeden? Kann d’franséisch Regierung dat einfach esou decidéieren, am Fall wou de Floss duerch een anert Land geet? Wéi kéint Lëtzebuerg sech géint esou eng Decisioun wieren?
QP Nummer 6643
