Persounen, déi géint de Covid-19 geimpft sinn, mussen – anescht wéi Leit, déi nach net geimpft sinn – net an eng Quarantäne goen, nodeems si e Kontakt mat enger Persoun haten, déi positiv getest ginn ass. Am Secondaire, wou eng Rei vun de Schüler scho geimpft sinn, mee och ganz vill aner Schüler nach net, bedeit dat, dass bei positive Fäll an der Klass verschidde Kanner a Quarantäne ginn an anerer net. Fir dem Léierpersonal ze hëllefen am Infektiounsfall den Iwwerbléck ze behalen a sécherzestellen, dass och all net-geimpfte Kand a Quarantän geet, sollen d’Enseignantë mengen Informatiounen no Lëschte kréien, op deenen den Impfstatus vun de Kanner aus der Klass vermierkt ass. Dës Lëschte sollen, soubal d’Infektiounsketten nees ënner Kontroll ass an all d’Kanner nees an d’Schoul dierfen, vum Enseignant vernicht, voir “vergiess” ginn.
An deem Zesummenhang hu mir der Regierung dës Froe gestallt:
-
Ass et richteg, dass Lëschte mam Impfstatus vu Schüler un Enseignanten eraus gaange sinn?
-
Ob wéi enger legaler Basis ginn hei déi medezinesch Date vu Mannerjärege weiderginn an traitéiert?
QP Nummer 5114
