Den 11ten Mäerz gouf bekannt, dass een Antikierper-Traitement ënnert dem Numm VIR-7831, vu britteschen an amerikanesche Pharmakonzerner entwéckelt, an éischte Studien d’Zuel vun den hospitaliséierten oder verstuerwe Covid-19 Patienten ëm 85% gesenkt huet. D’Firme wëllen schonn an noer Zukunft eng Zouloossung an den USA ufroen. Och op der Unisklinik Köln gëtt en Antihistaminikum a Form vun engem Nues-Spray am Moment als méiglecht Covid-19 Medikament getest.
An deem Zesummenhang hu mir der Regierung dës Froe gestallt:
-
Huet d’Ministesch Kenntnis vun dësen Entwécklungen?
-
Wat hält d’Regierung vun esou méigleche Covid-19-Medikamenter? Verléisst si sech beim Kaf vun esou Medikamenter eleng op d’EMA, oder ginn dës, wéi z. B. d’Schnelltester, och am LNS ënnersicht?
-
Sinn am Moment scho Keef vu speziellen Anti-Covid-19-Medikamenter geplangt?
-
Bedeelegt sech d’Regierung am Moment un de Fuerchungs-Käschten vun engem Covid-19 Medikament?
QP Nummer 3908
