Context: Motioun zum Gesetzesprojet 7652

D’Deputéiertechamber stellt fest:

• Am Alldag geschéihen am Stroosseverkéier eng sëllege Feehler, déi vu mënschlecher Origine sinn, ewéi zum Beispill ee Mangel u Konzentratioun, Middegkeet, Oflenkung, lues Reflexer, asw.
• Modern Sécherheetsequipementer an Autoen kënnen Accidenter verhënneren, déi duerch mënschlecht Handelen eleng net ze verhënnere wieren.

Aus dëse Grënn invitéiert d’Deputéiertechamber d’Regierung:

1. modern Sécherheetstechnik beim Kaf vun engem Neiwon mat enger Subventioun z’ënnerstëtzen an dat ënnert de folgende Konditiounen:
   -fir Autoen bis zu engem Kafpräis vu 40 000€ soll de Montant vun dëser Subventioun maximal 1000€ bedroen.
   -fir Autoen mat engem Kafpräis ab 40 000€ soll d’Bäihëllef maximal 250€ bedroen.

D’Motioun gouf mat de Stëmmen vun der Majoritéit ofgeleent.