Haut huet den Deputéierte Marc Goergen eng Ännerung zum Gesetzesprojet, fir déi néi Rout-Luucht-Radaren an der Chamberskommissioun deposéiert.

D’Zil ass et, dass all Radar muss eng Foto vum Chauffeur vum Auto (an net nëmme vun der Plaque) maachen. Esou soll verhënnert ginn, dass de Chauffeur een anere kann dozou iwwerrieden, oder souguer zwéngen, fir a senger Platz de Protokoll ze bezuelen an d’Schold op sech ze huelen. Keen soll sech viru senger Strof kënnen drécken.

Mir Piraten si keng Supporter vun de Radaren, wëllen awer dass wann Protokoller verdeelt ginn, op mannst sécher ass, dass dee Richtegen de bezuelt.