Nodeems d’Joer 2019 méi Faillitte wéi d’Virjoer opzeweisen hat (ee Wort-Artikel vum 13te Januar 2020 hat doriwwer beriicht) huet d’Coronapandemie dëst Joer sécherlech säin Deel dozou bäigedroen, dass d’Unzuel vun de Faillitte par Rapport zu de Virjoren sech verännert
An deem Zesummenhang hu mir der Regierung dës Froe gestallt:
-
Wéi vill Firmen hunn zënter dem Ufank vun der Sars-Cov-2-Pandemie eng Faillite deklaréiert a géint wéi vill Firme gouf zënter dem Ufank vun der Pandemie eng Faillite vum zoustännege Geriicht ausgesprach?
-
Wéi eng Secteuren sinn dëst Joer, am Verglach zu anere Joren, am meeschte vu Faillite betraff?
-
Wéi vill nei Societéite goufe säit dem Ufank vun der Pandemie gegrënnt? A wéi enge Secteure goufen dës Firme gegrënnt?
QP Nummer 2647
