D’FGFC mellt an engem Communiqué, dass d’Prime astreinte fir verschidde Mataarbechter beim TICE wäert ewechfalen. Zitat:
“Fakt ass, dass 110 Mataarbechter beim TICE déi besote Prime verléieren, déi zanter 1978 un dat ganzt Personal ausbezuelt gouf. D’Mataarbechter goufen ënnert dëse Konditiounen agestallt an hunn hiert Liewen do drop opgebaut. Hei geet et ëm eng pensionabel Primm vun 22 Punkten (aktuell 512,05 € brutto), déi d’Mataarbechter ab November 2024 all Mount verléieren.
Et handelt sech och net nëmmen just ëm Mataarbechter aus dem Atelier an der Administratioun. Vun deene ronn 110 Mataarbechter si majoritär Agents de transport betraff – 44 Buschaufferen, déi am Moment krankheets bedéngt reklasséiert sinn. De Statut vun de Gemengebeamte schreift vir, dass dës Primm un d’Karriär gebonnen ass. De Maître Bauler, Affekot vun der FGFC an Expert am Gemengesecteur, bezitt kloer Stellung, dass dëst net rechtens ass.
[…] D’FGFC huet och beim Minister Gloden intervenéiert fir matzedeelen, dass et bedenklech ass, dass säin Finanzcontrôle ronn 45 Joer brauch fir déi anscheinend Illegalitéit festzestellen an et dann och nach keen Dialog gëtt fir eng adaptéiert Léisung ze fannen.”
Am Procès-verbal vum Suessemer Gemengerot vum 18ten Oktober 2024 hunn déi Gemengeresponsabel behaapt, dass den Inneministère op eegen Initiativ beim TICE Syndikat 2021 agegraff huet, fir déi Primm net méi auszebezuelen.
- Bleift den Inneminister bei der Entscheedung, deene Leit beim TICE déi Prime d’Astreinte ewechzehuelen?
- Kéinten déi Leit iwwert en anere Mechanismus hire Gehaltsverloscht kompenséiert kréien?
Fro n°1420
