All Dag ginn Déieren duerch ganz Europa transportéiert an dëst vill ze oft a schlechten Zoustänn, wou d’Déiere weder genuch Plaz hunn, nach genuch Fudder a Waasser. D’EU-Parlament huet d’Situatioun analyséiert an elo an engem Rapport Recommandatioune fir den Déierentransport festgehalen. D’Parlament fuerdert an dësem Rapport ënnert anerem, dass d’Transportdauer op maximal 8 Stonne verkierzt gëtt, an et sollen och méi streng Kontrolle gemaach ginn.

D’Piraten am Europaparlament ënnerstëtzen dëse Rapport a setzen sech fir méi Déierewuel an. D’Piraten zu Lëtzebuerg an an der EU si géint den Déierentransport vu liewegen Déieren an Drëttlänner a géint een déierenonwierdegen Transport (wou d’Déieren net genuch Plaz hunn, kee Waasser, ze héisch resp. ze niddregen Temperaturen ausgesat sinn, net behandelt Verletzungen, ect.)

D’EU-Kommissioun huet iwwerschaffte Reegele fir 2023 ugekënnegt.

Hei de gestëmmte Rapport aus dem EU-Parlament.

Hei eis parlamentaresch Froen zum Deieretransport.