Laut Äntwert op d’parlamentaresch Fro n°5048 hat Lëtzebuerg, Stand 5ten November, nach 13110 Dosissen vum Vaxzevria-Vaccin (AZ) op Lager, déi Enn dës Mounts, also den 30ten November, oflafen.
An deem Zesummenhang hu mir der Regierung dës Froe gestallt:
-
Wéi vill vun deenen 13110 Dosissen sinn elo nach iwwereg?
-
Wäert d’Lëtzebuerger Regierung déi verbléiwend Vaccinen nach virum Oflaf Datum un een anert Land viru ginn, fir ze verhënneren, dass dës mussen entsuergt ginn?
-
Wéini wäert dëst geschéien, wëssend dass kaum nach Zäit bleift an et jo och Zäit brauch, wann d’Vaccinen an engem Land ukommen, bis dass se kënne verimpft ginn?
-
Wéi eng Länner wäerten Dosissen kréien an no wat fir engen Krittären gouf dat Land/ déi Länner erausgesicht?
QP Nummer 5271
