Déi aktuell Majoritéit fërdert iwwert verschidden Instrumenter de Bau vu Solaranlagen zu Lëtzebuerg. Vill Leit sinn iwwerzeegt vun der Sonnenenergie a wëllen dofir och eng Photovoltaikanlag bauen. Mir gouf awer zougedroen, dass et speziell bei Gebaier, déi a Gréngzone stinn, méi komplizéiert ass, fir Solarpanels z’installéieren, well een hei nach zousätzlech d’Geneemegung vum Ëmweltministère brauch. An der Äntwert op d’Fro n°3046 haten d’Ministeren erkläert, dass prinzipiell Solarpanels autoriséiert ginn, “soufern sech duerch d’Installatioun d‘Daachform net ännert, d’Panneauen an däischtere Faarftéin sinn an net blénken. Eng Installatioun vu Solarpanneauen op Stänneren op den Diecher vu Gebaier an der Gréngzon ännert de visuelle Charakter vun dëse Gebaier a féiert an der Reegel zu engem gréisseren Impakt, dee konträr ass zum Zil vum Naturschutzgesetz.”

An deem Zesummenhang hu mir der Regierung dës Froe gestallt:

1. Wéi vill Demandë fir Geneemegunge vu Solarpanels op Gebaier a Gréngzone goufen et zënter 2014?
2. Wéi vill Demandë goufen ofgeleent an aus wéi enge Grënn?

Verlaf an der Chamber

QP Nummer 6856

Äntwert