Wie Heise online den 3ten September mellt, sinn Dokumenter vun der leschter an aktueller Bundesregierung déi drop hiweisen, dass d’Ministeren an d’Kanzlerin sech vun de Lobbyisten a Cheffe vun den Impfstoffhiersteller beaflosse gelooss hunn. Esou ass ënnert dësen Dokumenter eng Email vum CEO vu Pfizer an der hien der Bundeskanzlerin d’Kommunikatioun an Argumenter géint eng Fräigab weiderleet. De Site abgeordnetenwatch.de huet dës Dokumenter publizéiert.
An deem Zesummenhang hu mir der Regierung dës Froe gestallt:
-
Wei eng Kontakter haten d’Ministere mat Entreprisen, Organisatiounen oder Persounen zum Thema Covid-19-Impfstoff Lizenzen an Zwangslizenzen?
-
Ass dem Här Premierminister bekannt op aner Ministeren esou Kontakter haten?
-
Wat si bei dëse Kontakter fir Inhalter diskutéiert ginn?
-
Kann den Här Premier versécheren, dass d’Regierungspositioun géint eng komplett Fräigi vun de Patenter net am Austausch fir eppes anescht gemaach gouf?
QP Nummer 6772
