D’Representatioun vum Staat a Conseils d’administration vun de Gesellschaften, Etablissements publics an anere GIE’en, an deenen de Staat Participatiounen huet, ass e wichtegt Instrument fir d’Regierung, fir hir Interessen ze vertrieden an d’Good Governance ze assuréieren. Dës Mandater ginn haaptsächlech vu (héije) Fonctionnairë besat, obwuel och Experten aus der Zivilgesellschaft kënne genannt ginn. Allerdéngs stellt sech d’Fro vun der Kumulatioun vu Mandater an der Transparenz vun de Remuneratiounen ëmmer erëm. D’Gesetz vum 25. Juli 1990 iwwer de Statut vun den Administrateuren, déi de Staat vertrieden, gesäit vir, datt d’Emolumenter vum Staat oder der ëffentlecher Persoun moralescher Natur agezu ginn, an datt d’Regierung oder dat dirigéierend Organ d’Indemnitéite fir d’Missioun festleet. Am Artikel “Un État de sièges” gëtt awer drop higewisen, datt dës Gesetz an der Praxis wéineg oder guer net applizéiert gëtt. Eng parlamentaresch Äntwert aus dem Abrëll 2014 huet d’Verëffentlechung vun den Indemnitéiten ofgeleent, fir d’individuell Situatioun vun de Verwaltungsrotsmemberen net ze verroden. D’Regierung huet awer Mesuren ugekënnegt, fir d’Representatioun ze professionaliséieren an e Code de conduite festzeleeën. Déi nei Richtlinne fir d’Grënnung vun Etablissements publics vum Februar 2017 gesi vir, datt d’Indemnitéiten duerch e Règlement grand-ducal fixéiert ginn, fir méi Transparenz ze garantéieren, awer dës gëllt net fir déi schonn existent Etablissementer.

An deem Zesummenhang hu mir der Regierung dës Froe gestallt:

1. Wéi vill Mandater vun Administrateuren, déi vum Staat oder enger Persoun morale de droit public proposéiert goufen, ginn et aktuell am Ganzen (a sociétés anonymes, Etablissements publics a GIE’en)?

2. Wéi ass d’Opdeelung vun dëse Mandater no proposéierende Ministère an no der Gesellschaft/Entitéit an där d’Mandat ausgeüübt gëtt?

3. Wéi dacks a firwat gëtt d’Gesetz vum 25. Juli 1990 iwwer de Statut vun den Administrateuren, déi de Staat vertrieden, net applizéiert, besonnesch a Bezuch op d’Réckbezuelung vun den Emolumenter un de Staat oder d’Festleeë vun den Indemnitéiten?

4. Wat ass de Gesamtbetrag vun den Indemnitéiten, déi pro Gesellschaft/Entitéit fir dës Administrateursmandater am leschte komplette Comptablesjoer bezuelt goufen?

5. Ginn et zousätzlech Avantagen (z.B. Remisen, Avantages en nature, Frais de représentation) déi mat dëse Mandater verbonne sinn, a falls jo, wéi eng Zort an op wéi enger legaler Basis ginn dës accordéiert?

Verlaf an der Chamber

QP Nummer 3136