Gëschter huet den European Milk Board kommunizéiert, dass den europäesche Mëllechsecteur sech an enger Präiskris befënnt. An enger Rei vun EU-Memberstaate sinn d’Verkafspräisser an de leschte Méint esou staark gefall, dass d’Produktiounskäschten net méi gedeckt sinn. Landwirtschaftsverbänn fuerderen dofir d’Aktivéiere vum Instrument vum fräiwëllege Liwwerverzicht op EU-Niveau.
An deem Zesummenhang hu mir der Regierung dës Froe gestallt:
Wäert Lëtzebuerg sech op EU-Niveau fir d’Aktivéierung vum Instrument vum fräiwëllege Liwwerverzicht oder aner Moossnamen asetzen, a falls jo, a wéi enger Form?
Wat fir konkret Moossnamen si national virgesinn, fir d’lëtzebuergesch Betriber an dëser Situatioun ze ënnerstëtzen?
QP Nummer 3630
