A fréiere parlamentaresche Froen (z.B. n° 481) hat ech ëm Informatiounen iwwert d’Flich vun de Regierungsmemberen mat Privatjets gefrot an och geliwwert krut. Een Tageblatt-Artikel vum 11ten Oktober mam Titel “Economy oder Business” beriicht iwwert d’Fluchgewunneschten vun der Exekutiv a verschiddene Ministèren, wou ëfters Mol op d’Business-Klass zeréckgegraff gëtt, grad wa Regierungsmembere mat u Bord sinn.
An deem Zesummenhang hu mir der Regierung dës Froe gestallt:
Wéi vill Euro goufen am Joer 2023, 2024 fir Fligerticketen ausginn, opgelëscht no Ministère? Wéi deelen sech dës Käschten op tëschent der Economy, Business an eventuell First-Class?
Wéi vill Fliigerticketen goufen 2024 kaf, opgelëscht no Ministère? Wéi deelen sech dës op tëschent der Economy, Business a First Class?
Wéi eng Ministèren hunn an de leschte 5 Joren ee Privatjet fir ee Fluch genotzt? Fir wéi eng Fluchstreck war dëst (Depart & Arrivée); wat waren d’Käschte vum Fluch a wie waren d’Notznéisser (Ministère)?
Kann d’Regierung d’Lëscht aus der parlamentarescher Fro n°481, mat all de Flich aus de leschten 2 Joren, fir déi ee Privatjet genotzt gouf, mat de Flich aus de Joren 2024 an 2025 aktualiséieren?
Wéi oft sinn déi verschidde Regierungsmemberen an de leschten 3 Joren Business Class oder First-Class geflunn?
QP Nummer 3034
