Eng Fro gouf gestallt op fro.lu.
De CHEM (Centre Hospitalier Emile Mayrisch) ass ee vun de wichtegsten ëffentleche Spideeler am Land. Rezent krute Patienten d’Informatioun, dass et op kengem vun den 3 Sitte vum CHEM Terminer fir Echographien innerhalb vu manner wéi 6 Woche géif ginn. Dëst bedeit Waardezäite vu méi wéi 6 Wochen, wat bei enger diagnostescher Ënnersichung, déi potentiell vital ass, problematesch ka sinn.
An deem Zesummenhang hu mir der Regierung dës Froe gestallt:
-
Ass d’Ministesch iwwert dës laang Waardezäite fir Echographien am CHEM informéiert? Wéi beurteelt d’Ministesch dës Situatioun am Bezuch op d’Qualitéit vun der Versuergung an d’Patientesécherheet?
-
Wéi eng Grënn féieren zu dëse laange Waardezäite? Ass dëst e strukturelle Problem (z.B. Mangel u Personal oder Equipement) oder handelt et sech heibäi ëm eng temporär Situatioun?
Fro n°3218
Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz läit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu
QP Nummer 3218
