Context:
Aktualitéitsstonn iwwert Bedruch vu Bank-Clienten
D’Chamber vun den Deputéierten stellt fest:
- D’Cyberkriminalitéit ass an de leschte Joren immens an d’Luucht gaangen, grad bei Phishing-Aktivitéiten (Äntwert op d’parlamentaresch Froen n°315 n°1343);
- Et ass net nëmmen d’Verantwortung vun de Clienten, fir net Affer vu Phishing-Attacken ze ginn, mee och vun de Banken, fir d’Clientë virun Attacken ze schützen an hir Systemer a Plattformen esou opzestellen, dass dës net fir Verwirrung suergen.
Aus dëse Grënn invitéiert d’Chamber vun den Deputéierten d’Regierung:
- ee Garantie-Fong fir d’Affer vu Bankbedruch opzestellen (staatlech, privat oder béid), fir dass d’Banken-Clienten duerch eng Versécherung an definéierte Situatioune vu Bedruch besser geschützt si bis zu engem Montant vun 100.000€.
