Projet de loi n°7628 – Projet de loi autorisant l’Etat à participer au financement de la deuxième phase du Large Scale Testing

Leit, déi op Lëtzebuerg areesen oder um Retour aus dem Ausland sinn, onofhängeg wéi en Transportmëttel, sief et mam Fliger, Zuch oder Auto, soll ënnerhalb vu 5 Deeg getest ginn, egal vu wou se kommen.

D’Deputéiertechamber stellt fest:

• An de leschten Deeg d’Unzuel vun den Neiinfektioune staark zougeholl huet;
• D’Regierung am Projet de Loi 7628 ee Pilier vun Tester bei der Arrivée op der Gare oder um Fluchhafe gesäit;
• D’Sensibiliséiere fir sech Testen ze loosse bei der Arrivée aus dem Ausland wichteg ass;
• D’Regierung d’Méiglechkeet geschaaft huet datt Leit, déi et fir hir Rees brauchen, sech kënne, virun hirem Départ an d’Ausland, gratis zu Lëtzebuerg teste loossen.

Aus dëse Grënn invitéiert d’Deputéiertechamber d’Regierung:

1. Leit, déi op Lëtzebuerg areesen oder um Retour aus dem Ausland sinn, d’Méiglechkeet ze bidde fir sech gratis am Kader vum Large Scale Testing testen ze loossen.
2. Promotioun fir dës zousätzlech Testcampagne ze maachen.

D’Motioun gouf approuvéiert.