M. Sven Clement (Piraten) | Merci, Här President. Merci och un d’Rapportrice fir de wierklech gudde mëndlechen a schrëftleche Rapport. Mat deem heite Gesetz setze mer jo dann e Mechanismus ëm, deen u sech Europa eis erméiglecht. An ech mengen, wann een eng Méiglechkeet kritt, fir Betriber a verschiddene Sec- teuren, déi besonnesch innovativ sinn, zousätzlech ze fërderen, ma da wäre mer u sech – op gutt Lëtzebuer- gesch gesot – domm, wa mer et net géife maachen. An deementspriechend ass dat heiten dann och e wichtege Gesetzesprojet, datt mer eeben déi Fërderung benot-
zen, fir lëtzebuergesche Firmen eng Zousazchance ze ginn, en zousätzleche wierklechen Ureiz ze ginn, hei zu Lëtzebuerg och nach eng Kéier ze innovéieren an ze in- vestéieren. Well dat ass, mengen ech, d’Zil derhannert, datt aus deenen Investitiounen natierlech nei Aarbechts- plazen an och nei innovativ Produiten entstinn.
Datt dat natierlech elo d’Digitalisatioun, den Trans- port, d’Santé an d’Energie viséiert, ass eppes, wat, mengen ech, och mam Zäitgeescht anhiergeet, an dat ass, wou mer am meeschten innovativ Betriber brau- chen.
Fir eis Piraten ass et ganz kloer: Wa mer innovativ Betriber kënnen ënnerstëtzen, da solle mer et maa- chen, an dofir fënnt dëse Projet natierlech och eisen Accord. Ech soen Iech Merci.
