De Policebüro zu Käerjeng gouf virun e puer Joer zougemaach an den Effektif gouf mat deem am Policebüro zu Péiteng zesummegeluecht. Wéi d’Ministere mir an der Äntwert op meng Fro n°3404 am Januar geschriwwen haten, waren zu deem Zäitpunkt nach keng Verhandlungen amgaangen, fir een neit Policekommissariat an d’Rue de Linger op der Grenz tëschent Péiteng a Käerjeng z’erriichten.
An deem Zesummenhang hu mir der Regierung dës Froe gestallt:
-
Ginn et zënter Januar Fortschrëtter an dësem Projet? Falls jo, wou sinn d’Diskussiounen drun a wourunner blockéiert de Projet?
-
Wéi eng Grondstécker musse kaf oder gelouhnt ginn, fir de Policebüro kënnen ze realiséieren? Ginn dës Grondstécker vun de Gemengen oder vum Staat kaf?
QP Nummer 5328
