No der Testphas: Flächendeckend Aféierung vum Dossier de soins partagé (DSP)

No enger Testphas vu 4 Joer wäert Enn 2019 den Dossier de soins partagé (DSP) duerch d’Agence eSanté generaliséiert ginn. D’Ëmstellung vum Dossier geschitt iwwert de sougenannten opt-in. Dat heescht, dass an enger éischter Phase automatesch all déi Persounen, déi bei der CNS verséchert sinn, an den neie System agegliddert ginn. Déi Leit, déi keen DSP wëllen, musse selwer d’Demarchen ënnerhuelen, fir dësen zouzemaachen. Fir de Patienten de Choix ze loossen, ob fir si en DSP sollt ugeluecht ginn oder net, revendiquéiere verschidden Organisatiounen aktuell, dass eng opt-out-Prozedur virzezéie wier. Dann géifen nämlech just déi Persounen en DSP kréien, déi explizit een ufroen, wärend sech fir all déi aner Léit näischt ännere géif.

An deem Zesummenhang huet de Sven Clement de Ministere fir Sozialversécherung & Gesondheet dës Froe gestallt:

  • Wäert d’Regierung een ageschriwwene Bréif un all d’Patienten erauszeschécken, fir hinnen d’Prozedur vum opt-in ze erklären? Falls net: Wéi wäerten d’Ministere sécherstellen, dass déi Concernéiert iwwert d’Erstellung vun hirem DSP Bescheed wëssen?
  • Wäerten déi zoustänneg Ministere mat der Aféierung vum generaliséierten DSP waarden, bis all déi Concernéiert d’Informatioun, dass hiren DSP erstallt gouf, kritt hunn?
  • Wéi wäert d’Procédure de recours ausgesinn, fir d’Persounen, déi hiren DSP zou maache wëllen? 

Zesummenhang posts

A menge parlamentaresche Froe n°3813 an 3927 hat ech op d’Situatioun vun Déierenbesëtzer um Wunnmarché opmierksam gemaach, wou et virkënnt, dass Locatairen verbuede kréien,
Den 15ten Abrëll 2024 um 19 Auer zu Koplëscht am HQ an online.  Start : 19h00 ; Enn 21h00 Vun der Parteileedung ware präsent: Clement Sven