Keng Pestiziden, keng Antibiotiken, keng OGMen – en neit Label fir d’Landwirtschaft?

Published by Piraten on

Bei ville Fleechproduiten, déi net explizit e Biolabel droen, ass et de Consommateuren net méiglech nozevollzéien, wéi d’Déiere gehalen a gefiddert gi sinn. Esou kommen ëmmer nach vill Produiten op de Marché, déi vun Déiere kommen, déi Antibiotikatraitementer, engem Fudder mat héijem Pestizidgehalt an/oder enger Fidderung mat OGM-Produiten ausgesat waren, ouni, dass dëst de Consommateuren däitlech vermëttelt gëtt. Och a grad virum Hannergrond vun der Méiglechkeet vun neie Fräihandelsaccorden entscheeden sech ëmmer méi Länner zu der Aféierung vun neie Labelen. A Frankräich, Däitschland, Éisträich, Südtiroul, Ungarn a Bosnien-Herzegowina ginn et esou bspw. scho Reglementatiounen, déi eng spezifesch Kennzeechnung vun Déierefudder ouni Komponenten aus OGMen a Liewensmëttel, déi vun Déiere kommen, déi ouni OGMe gefiddert goufen, erméiglechen. Ähnlech sinn eenzel Label fir eng antibiotikafräi Opzuucht an eng Fidderung ouni Pestizidbelaaschtung denkbar. Zu Lëtzebuerg ginn et aktuell awer nach keng esou Kennzeechnungen.

An deem Zesummenhang huet de Sven Clement dem Landwirtschaftsminister dës Froe gestallt:

  • Wäert sech d’Regierung, virum Hannergrond, dass sech am Fleesch vun Déieren, déi mat schuedstoffbelaaschte Fuddermëttel ernäert goufen, Réckstänn vu Gëfter fanne loossen, an Zukunft fir en offiziellt Label asetzen, fir Produiten ouni Pestizidbelaaschtung kloer ze kennzeechnen?
  • Ass d’Regierung der Meenung, dass et wichteg wär, och zu Lëtzebuerg ee Label fir Produite vun Deieren, déi ouni OGM-Fuddermëttel ernäert goufen, anzeféieren?
  • Gedenkt d’Regierung, wëssend, dass d’Consommatioun vu Fleesch, dat vun Déiere kënnt, déi Antibiotikatraitementer ausgesat waren, mat zu der Bildung vun Antibiotikaresistenze bäidréit, an Zukunft Fleesch aus antibiotikafräien Opzuuchten mat engem offizielle Label ze kennzeechnen?

1 Comment

Jerome · 26/10/2019 at 12:47

Schein ze gesin dat d Leit sech gedanken em d Produkter machen. Wei well een dann eng krank Kou behandelen ouni Antibiotika?? An dLeit laafen fiir all Schnap bei den Doc fir Medikamenter ze kreien. Do ginn vill mei onneidech Antibiotika verbraucht wei an der Landwirtschaft. An hei bei eis an Letzebuerg ginn et am konvetionellen Betrieb mei Oplaren fir d Emwelt an Deier ze schützen wei an aneren Länner esouguer wann Bio do drop steht. An OGM-frei get et schonzum Beispill bei der Arla ginn kreien d Baueren mei fiir hier Mellech wann se kennen beweisen dat d Kei OGM-frei gefiddert ginn.

Leave a Reply

Your email address will not be published.

This site uses Akismet to reduce spam. Learn how your comment data is processed.