FRO.LU: DAB+

Published by Sven Clement on

Eng Fro gouf gestallt op fro.lu.

Iwwert digital Antenneradioen kann een DAB+ Senderen ëmfänken. Den Service des médias (SMC) huet 2020 eng Etüd mat dem Broadcasting Center Europe (BCE) zum DAB+ lancéiert a finaliséiert. Radiosender konnten dëser Zäit Tester maachen mam Iwwerdroungsmodell. Den Staat huet fir eng Hëllef zum Ausbau vum DAB+ ronn 100’000€ virgesinn.

An deem Zesummenhang hu mir der Regierung dës Froe gestallt:

  1. An engem Communiqué vum Staatsministère vum Dezember 2020 gëtt eng Feuille de route erwänt, déi opgrond vun den Tester vun 2020 sollt opgestallt ginn, fir den Déploiement fir d’Joer 2021 ze reegelen. Kann de Minister erläuteren, wéi d’Pläng fir 2022 an deem Kontext ausgesinn?

  2. An der Äntwert op d’Fro 4575 huet den Minister erkläert, dass nach eng Réi oppe Froe géingen bléiwen, wat d’Balance tëscht de verschiddenen établéierten an potentiell neien Radiosender géing ugoen.  Sinn dës Froen an tëschenzäit gekläert ginn? Wa jo, wéi denkt den SMC dass dës Balance soll ausgesinn? Op Basis vun ewéi enge Krittären wäerten d’Plazen verdeelt ginn ginn?

  3. An der Äntwert op déi selwescht Fro erkläert den Minister, dass d’Konditiounen fir den Accès zum DAB+ zum Deel duerch d’Käschte wäert bestëmmt ginn. Och soll d’ALIA mat un dësem Dossier schaffen, fir ze bewäerten, ob een “Système de soutien” fir déi lokal Radioen soll agefouert ginn. Ginn et hei schonn Fortschrëtter wat d’Evalutatioun vun esou engem “Système de soutien” ugeet? A wéi fern wäerten d’Käschten vum DAB+ d’Radiosender bestëmmen, déi heivun profitéieren kënnen?

Fro n°5957

Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz läit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu

Verlaf an der Chamber

QP Nummer 5957