ACCOUNT

Kameraiwwerwaachung bei elektreschen Autoen

Ëmmer méi elektresch Autoen hu verschidde Kameraen, déi net nëmme wärend dem Fueren d’Ëmgéigend filmen, mee och wann den Auto geparkt an net a Gebrauch ass. Soubal den Auto eng Aktivitéit erkennt, fänkt en u mat filmen. Esou sollen a Fäll vu Schied an Accidenter Beweiser gesammelt ginn an de Besëtzer gëtt och vum Auto selwer iwwer Schied alarméiert, wärend den Auto geparkt ass. Dës Kameraen, wéi se zum Beispill an den Autoen vun Tesla ze fanne sinn, an déi 24h/24h kënnen ufänken ze filmen, werfen eng Rei Froen op, wat d’Recht op informationell Selbstbestëmmung vun deene Leit ugeet, déi bei eventueller Beweegung ronderëm den Auto onfräiwëlleg mat gefilmt ginn.

An deem Zesummenhang hu mir der Regierung dës Froe gestallt:

  1. U wéi eng gesetzlech Basis mussen sech Besëtzer vun Autoen halen, wann hiren Auto ëffentlech Plaze filmt? 

  2. Muss eng Autorisatioun ugefrot gi fir den Asaz vun den Autokameraen?

  3. Wéi eng Konditiounen ginn et fir d’Police, fir op dës Donnéeën zougräifen ze kennen? Wéi oft ass dëst an den leschten 12 Méint gemaach ginn? 

Verlaf an der Chamber

QP Nummer 6507

Zesummenhang posts

Eng Fro gouf gestallt op fro.lu. Doktere kënnen Ordonnancë fir Analysen am Labo verschreiwen, déi net vun der CNS rembourséiert ginn. An deem Fall
De Rapport vum Ombudsman fir Kanner a Jugendlecher weist kloer ob, dass et a Punkto Ënnerbréngung vu Geflüchteten nach ganz vill Baustelle ginn. Eng