ACCOUNT

FRO.LU: Autorisation d’exercer am Santésberäich

Eng Fro gouf gestallt op fro.lu.

D’ofgeännert Gesetz vum 26te Mäerz 1992 gesäit vir, dass Persounen a verschiddene Gesondheetsberuffer fir d’éischt mussen eng Autorisation d’exercer ufroen, ier si hir Aarbecht hei am Land kënnen ophuelen. Dëst gëllt, ënnert anerem, fir Aide-soignanten, Infirmieren/ièren an Hiewanen. Ween ouni esou eng Autorisatioun schafft, kann zu Prisongsstrofe verurteelt ginn. 

An deem Zesummenhang hu mir der Regierung dës Froe gestallt:

  1. Wéi laang huet et an der Moyenne an deene leschte 5 Joer beim Santésministère gedauert, fir eng Demande d’autorisation d’exercer ze traitéieren?
    • Wat war d’Moyenne fir Persoune mat Diplom aus Lëtzebuerg?
    • Wat d’Moyenne fir Persoune mat Diplom aus dem Ausland?

  2. Op déi leschte 5 Jore gekuckt, wéi laang hunn d’Persounen am éischten an am leschte Quintil misste waarden, bis hir Demande d’autorisation d’exercer vum Santésministère traitéiert gouf? 

  3. Wat war an deene vergaangene 5 Joren déi längste Waardezäit, fir eng Demande d’autorisation d’exercer ze traitéieren?
    Wat war an deene vergaangene 5 Joren déi kierzte Waardezäit, fir eng Demande d’autorisation d’exercer ze traitéieren? 

  4. Wéi vill Prozent vun den Demandë ginn ofgeleent? Wat ass heifir den heefegste Grond?

  5. Ass d’Madamm Ministesch der Meenung, dass d’Delais de Traitement sollte verkierzt ginn?
    Wa jo, wéi eng Méiglechkeete gëtt et, fir dëst z’erreechen?
    Wann nee, firwat net?

Fro n°7328

Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz läit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu

Verlaf an der Chamber

QP Nummer 7328

Zesummenhang posts

Eng Fro gouf gestallt op fro.lu. Doktere kënnen Ordonnancë fir Analysen am Labo verschreiwen, déi net vun der CNS rembourséiert ginn. An deem Fall
De Rapport vum Ombudsman fir Kanner a Jugendlecher weist kloer ob, dass et a Punkto Ënnerbréngung vu Geflüchteten nach ganz vill Baustelle ginn. Eng