Dateschutz bei auslännesche Krankekeesen

Duerch de bestoenden EU- a Schengenraum, kann all Matbierger sech am Ausland medezinesch behandele loossen a gläichzäiteg vun der Méiglechkeet profitéieren, d’Behandlungskäschte vun der CNS rembourséiert ze kréien. Fir dass d’CNS dës Sue kann zréckiwwerweisen, gëtt eng demande de tarification un déi auslännesch Krankekeess geschéckt. Elo kann et awer sinn, dass dës auslännesch Krankekeess och Behandlungsresultater freet, fir eng Ofrechnung opzestellen. Falls een dës Resultater net weidergëtt, gëtt keng Ofrechnung gemaach an de Patient bléift op de Behandlungskäschte sëtzen.

An deem Zesummenhang hu mir der Regierung dës Froe gestallt:

  1. Huet eng auslännesch Krankekeess d’Recht, no Behandlungsresultater als Konditioun fir eng Ofrechnung ze froen?

  2. Wat geschitt, falls ee Patient net bereet ass, seng Resultater mat dëser auslännescher Krankekeess ze deelen? Huet en dann trotzdeem d’Recht op ee Remboursement?  Wann jo, no ewéi engem Tarif gëtt de Patient da rembourséiert, nom auslänneschen oder nom lëtzebuergeschen?

  3. Wéi kann ee Patient sech wieren, wann e vun enger auslännescher Krankekeess opgefuerdert gëtt, Informatiounen iwwert säi Gesondheetszoustand erauszeginn?

Verlaf an der Chamber

QP Nummer 2971

Zesummenhang posts

Fir eng rezent Etude vum European Monitoring Center for Drugs and Drug Addiction (EMCDDA) goufen Ofwaasseranalysen a Stied a ganz Europa an och ausserhalb
An der Äntwert op meng Fro n°387 huet d’Mobilitéitsministesch informéiert, dass d’CFL am Joer 2035 misste ronn 40% méi Leit astellen, fir d’Ziler vum
Bei engem Nato-Treffen den 3ten Abrëll gouf iwwert d’Schafung vun engem Fong fir d’Ukrain diskutéiert. An dësem Fong sollen 100 Milliarden iwwert déi nächst