Fir eng gerecht Steierreform

D’Piraten fuerderen en Ofschafe vun de Steierklassen an domat eng Besteierung, bei där all Persoun gläich behandelt gëtt, onofhängeg vum Bezéiungsstatus.

Kannerbetreiung

D’Piraten fuerderen d’Ausbezuele vun engem bore Chèque-Service d’Accueil, esou dass jidderee fräi entscheede kann, ob en seng Kanner an eng Struktur wëll ginn oder léiwer selwer bei senge Kanner doheem bleiwe wëll.

Sécherheet

D’Piraten fuerderen eng méi staark physesch Policepresenz op eise Stroossen an ëffentleche Plazen zesumme mat Street Workeren a sozialen Déngschter. Dat ass déi beschte Léisung, fir d’Sécherheetsgefill hei am Land z’erhéijen.

Oppen & digital Wirtschaft

D’Pirate fuerderen eng Vereinfachung vu Firmegrënnungen an en nohaltege Wirtschaftswuesstem, dee vun Recherche, Innovatioun an Digitalisatioun gedriwwe gëtt.

Séieren Accès am Gesondheetsberäich fir jidderen

D’Piraten fuerderen eng méi grouss Offer u Maisons médicalen, méi Informatioun zu deem wat ugebuede gëtt a méi laang Ëffnungszäiten, fir och wierklech d’Urgencen an de Spideeler kënnen z’entlaaschten.

Ëmweltfrëndlecht Verhale belounen

D’Piraten fuerderen dat all Persoun all Mount eng Direkthëllef (Klimabonus) ausbezuelt kritt an als Ausgläich d’CO2-Steier op verschiddene ëmweltschiedlechen Produkter ugepasst gëtt.

Fir jiddereen en Daach iwwert dem Kapp

D’Piraten fuerderen dat ëffentlech Wunnenge fir 10€ de Quadratmeter pro Mount sollen verlount ginn an iwwert d’Formel vum Mietkauf och e méiglechen Accès zur Proprietéit gebuede gëtt.

Dir sollt dierfe matschwätzen

D’Piraten fuerderen eng reell Biergerbedeelegung, wou mir ëffentleche Petitioune méi Gewiicht ginn, en participative Budget an en nationalen Biergerrot aféieren.

Dignitéit am 3ten Alter

D’Piraten fuerdere en universellen Zougang zu Zëmmeren an Alters- a Fleegeheemer, onofhängeg vun der finanzieller Situatioun vun de betraffene Leit.

De Wollëf schützen

D’PIRATEN bedaueren, dass de Wollef an Zukunft manner geschützt wäert ginn. Mir sti kloer géint déi politesch Entscheedung vun den...

Read More

Atomkraaft? Nee Merci !

Stellungnahme des Nationalen Aktionskomitees gegen Atomkraft nach den Aussagen von Staatsminister Luc Frieden :  Zu gefährlich, zu teuer und zu langsam verfügbar –...

Read More

D’Piratepartei Lëtzebuerg setzt sech säit der Grënnung am Oktober 2009 fir Biergerrechter, ee verbesserten Dateschutz a méi Privatsphäre fir Privatpersounen an.

Mir fuerdere méi Transparenz vum Staat, fräien Zougang zu Informatiounen a Bildung. Doriwwer raus fuerdere mer eng grondleeënd Reform vum Urheberrecht a Patentwiesen.

Grondleeënde Prinzipp ass d’Basisdemokratie, déi all Member et erlaabt aktiv d’Zukunft vun der Partei an der Politik mat ze bestëmmen.

Als Verfechter vum selbstbestëmmte Liewen setzen sech d’Piraten och fir d’Recht op sozial Participatioun, fir d’Chancegläichheet vun alle Mënschen a fir eng Neutralitéit vum Staat géigeniwwer de Glawengemeinschaften an.

Zënter Joren setzen sech d’Piraten och fir ee besseren Déiereschutz an, deen der Wierd vun all Liewewiesen gerecht gëtt.

Den Erhalt vun enger gesonder Natur a Liewenswelt geet fir eis Hand an Hand mat engem progressiven Déiereschutz, an deem de Mënsch an Harmonie zesumme mat senger Ëmwelt lieft.

Facebook Twitter Youtube Instagram

Piratepartei

1a, rue de Luxembourg
L-8184 Kopstal (Koplescht)
ahoi@piraten.lu
Telefon: (+352) 20 33 37

D'PIRATEN an der Chamber

22, rue de l’Eau
L-1449 Luxembourg
piraten@chd.lu
Telefon: (+352) 20 60 66