Ech sinn an Holland gebuer mee zanter meng zweet Liewensjoer wunnen ech hei am Land. Ech sinn zu Haassel (Gemeng Weiler) grouss ginn, hunn no meng Studien am Ausland 5 Joer zu Munneref gewunnt an zanter 2013 zu Monnerech. Zanter 2010 hunn ech déi duebel Nationalitéit, wat mir ganz wichteg ass, well Lëtzebuerg fir mech zanter klengem un meng zweet Heemecht war.

Ech hunn an Holland, Spuenien a Kanada Droit studéiert. Ech hunn meng ganz professionell Karriären awer hei zu Lëtzebuerg am Finanzsecteur gemaach.

Aktuell sinn ech Direkter an engem Fongenverwalter an der Stad.

Meng grouss Leidenschaft sinn niewent meng Famill Fussball, Sport am Allgemengen, gutt Iesse goe mat Frënn, Reesen, asw.

An menger Fräizäit sinn ech zanter 1995 Fussballarbitter. Vun 2012 bis 2014 war ech souguer FIFA Arbitter-Assistent fir d’FLF. Och sinn ech als Fräiwëllegen aktiv, zum Beispill fir d’ATP asbl, déi sech asetzt fir Leit mat eng psychesch Steierung.

Ech well mech politesch engagéiere well ech mengen dat verschidde Saachen einfach besser geréiert kéinte ginn a well ech gären do meng mot à dire hätt, ouni ze vergiessen dat een an der Politik fir de Leit soll schaffen an net ëmgekéiert. Am Allgemengen ass mer sozial Gerechtegkeet a Kohesioun extrem wichteg.

Besonnesch leie mir : déi bescht Iddien, onofhängeg vu politeschen Ideologien, ëm ze setze fir de Profit vum Land. Dëst fannen ech bei de PIRATEN.

Mäin Motto ass : D’Mesure vun der Intelligenz ass d’Fäegkeet ze änneren.