Wéi d’Chamber gëscht an engem Communiqué bestätegt, gouf kee Passwuert ëmgaange fir un déi vum “Chamberleak” betraffen Dokumenter ze kommen. Ganz am Contraire gouf just déi richteg Adresse vun den Dokumenter geroden.

D’PIRATEN konstatéieren datt een hei vu bal krimineller Négligence schwätze muss. Nodeems beim Medicoleak nach huet missten e Passwuert kopéiert gi fir un sensibel Daten ze kommen, huet d’Chamber se direkt ouni Passwuert op den Internet gestallt.

Jiddereen, ob erlabterweis oder net, konnt dës Dokumenter also ouni Passwuert kucken !

Datt elo een esou eng Faille  fonnt huet geet de Fraktiounspresidente scheinbar ze wäit a se fillen sech wuel ertappt.

sou de Sven CLEMENT vun de PIRATEN,

Hätt d’Chamber och nëmmen e Passwuert virun d’Dokumenter gesat kéint ee vun engem digitalen Abroch schwätzen, mee ouni Passwuert muss een feststellen, datt d’Chamber och sécherheetsrelevant Dokumenter einfach esou op den Internet gesat huet. Ganz ouni Protektioun

Entgéint der Meenung vum Minister Schneider muss ee bei wäitem keen Hacker si fir u net geséchert Dokumenter op engem Webserver ze kommen.

An dësem Zesummenhang muss een sech d’Fro stellen, Wei geschützt sinn d’Donnéeën vun “Einfache Bierger” wéi z.B. am Kader vum Petitiounswiesen.^

D’PIRATEN hannerfroen hei net nëmmen d’Reaktioun vun der Chamber, mee och wéi wéineg Digitalkompetenz d’Fraktiounscheffen hu musse fir esou en Akt wëllen als Intrusioun ze qualifizéieren.